Überwiegend bewölkt
6°C  
7°C
Überwiegend bewölkt

Töv maal even! Gesine vertellt – Corona Gewinne

Share on facebook
Share on twitter
Share on whatsapp
Share on email

Ik bün beeindruckt. Trotz de groode Pandemie oder wi man ok seggt Krise, gifft dat doch noch wat, wat mehr wurrn is. Mien Gewicht to’n Bispill. Ik hebb nu all dat Gewicht, wat ik eegentlich eers Neejohr hebb, na all de Fierdag. Un dat gifft noch gor kiene Spekulatius un Dominosteen in de Geschäfte. Worum eegntlich nich? Ik fi nn dat ward Tiet!

Mien Herr Edeka hett mi annerlest vertellt, de Kartüffelverkop harr ok tonahmen. Dat kann ik mi good vörstelln. Anners schell ik ümmer blots to Wiehnachten so veel Kartüffel, aver dit Johr hebb ik ok dor all miene Grenze överschreern. De Lüe eet woller mehr in’n Huus. Man geiht nich so veel Eten, wiel man sik dor eers anmelln mööt. Hest jo kien Moot to un ik weet gor nich, wann genau ik denn Smacht hebb. De Kinner sünd ok mehr in’n Huus un so mööt ok jo ümmer wat op’n Disch stahn. Kartuffeln höört dor denn mit to! Aver mi freit dat jo, dat de Kartuffelbuurn tomindest wat dorvan hebbt.

Een Fründ van mi will sik nu Höhner anschaffen. Dat harr mi noch fehlt. Dauernd dat Gekokel in’n Goorn un denn schiet de ok doch överall hen. He meent aver, Höhner wirkt beruhigend. Na, wenn he dat glövt. Nu schüllt dor 5 Höhner un een Hohn her. Dat kann man sik doch genau vörstelln, wi dat utgeiht. Hebbt wi doch alle all mal beleevt. Een Hohn un fi ef Höhner – denn zickt de Höhner bald sowat van mit’n anner rüm un he is denn woller de Hohn in’n Körv. Oder is dat blots bi de Minschen so? Dat eenzigste wat ik an Höhner mag, is, dat de Fröhstück legen dot un Eierpunsch. Jo, un denn natürlich de Höhnersopp. Villicht hebb ik jo noch mal ne Chance, dat eene oder andere van mien Fründ to kriegen.

Dat Homeoffi ve hett ok tonahmen. Dat gift ümmer mehr Firmen, de ehre MitarbeiterInnen to Huus arbeiten lat. Eenige wüllt dat ok na de Krise so bibeholn. Ik finn dat good. Du mööst di morgens nich schniegeln un bügeln. Kann’s theoretisch de Tähn putzen, Koffee maken un denn ran an’n Schrievdisch. Abends putz di woller de Tähn un geihst na’n Bett. Den Schlopantog hest jo noch an. Wat will man mehr?

Un in dit Johr makt de Lüe woller mehr Urlaub in Düütschland. Dat is doch för alle Düütschen good. Hier in Twüschenahn leevt wi doch van de Urlauber. Good, eenige sünd’n beeten anstregend un an de Afstandsregeln hoolt sik ok nich alle an. Aver use Geschäfte weer so veel leerer in de lesten Monat, dor frei ik mi, wenn bi de mal woller wat in de Kassen kummt. Veele Veranstaltungen sünd utfulln. In usen „Park der Gärten“ un in de Wandelhalle is dat aver all woller los gahn un ik glööv, dor freit sik veele över, dat man woller irgendwo hengahn kann. De Wertschätzung van söke Saken is also ok woller mehr wurrn.

Viellicht hebbt wi ok all mal so een Inschnitt brükt üm anners to denken. Ik wünsch jo nümms Corona un dat Gejauel na Normalität un Rutgahn kann ik ok nich mehr hörn. Wi alle sünd doch dankbar, wenn sik mal woller wat afspeeln deit un weern wi dat leest Johr ok? Nee, dor hebbt wi dat alles so hennahmen un us över Klenigkeiten opregt. Nu freit wi us. Hoffentlich blifft dat noch lang so! Nu kummt de Harvst. Frei di an use Natur. Wi hebbt dorvan so veele in Twüschenahn. Dat lohnt sik, dor mal genau hentokieken. Veele schöne Goordens gifft dat bi us. Wenn dor nich just Höhner ehr Unwesen drievt. De Parkanlagen un usen See. Ik fi nn, dat gifft veele Saken, de mehr wurrn sünd und dorto hört bi mi de Dankbarkeit, de Wertschätzung un de Blick för de feinen Ogenblicke, de wi jeden Dag hebbt. Dat kann ok blots mal een Blick op een Gänseblümchen ween un di geiht dat wirklich beter, wenn du dat bewusst wahrnehmen deist.

Bit tokamen mal

Jo Gesine

Kommentare

Abonnieren
Benachrichtige mich bei
guest
0 Comments
Inline Feedbacks
View all comments

OYJO Newsletter

Abonnieren und News direkt ins Postfach!

Scroll Up